Digər şeirlər Həsənəli xan Qaradaği (1848–1929) Gecə və gündüz neçə saat eyləyir? Hər kəs tarix tutub hardan söyləyir? Gecə və gündüz iyirmi dörd saatdır, Yeddi gün həftədir, beylə hacətdir. Altmış dəqiqə bir saat, altmış saniyə Dəqiqədir, hər kəs istər tanıyə. Dörd həftə bir aydır, on iki də ay Bir il edir, öyrən ayı, günü say. Otuz il dövrdir, yüz il əsrdir, Qəmər ili şəms ilindən kəsrdir. Qəməri il üç yüz əlli səkkiz gün, Edər şəmsi üç yüz altmış altı gün. İl e’tibar olur bizdə hicrətdən, Bir min üç yüz keçir indi o vəxtdən. Miladi-İsadən hesab edirlər Məsihilər, il hesabın gedirlər. Həştad üç il, dəxi bir min səkkiz yüz İndi keçür ondan, Qaradaği, düz. * * * Kitabxana.az · https://kitabxana.az/collections/hasenali-xan-qaradagi-diger-seirler İctimai mülkiyyət (müəllifin vəfat ili: 1929). Public domain (author died 1929). Original text only.