Pilov
Biz necə şükr eliyək qadiri-sübhanə, pilov,Ki nəsib etdi səni zümreyi-insanə, pilov.Nə bu kim hər yetənə, xanla sultanə, pilov,Yetmisən, şükr elə bu şövkətlə şanə, pilov,Həmnişin olmusan ol xosrovi-xaqanə, pilov.
Səni xoş xəlq eliyib qadiri-həyyü mütəal,Üzünə vermisən ədviyyə ilə zeyb ü cəmal.Gər səni təbx eliyə bir büti-pakizəxisal,Yeyə daim səni hər kimsə tapar kəsbi-kəmal,Şübhə yoxdur gətirirsən ölünü cana, pilov.
Belə rəngin pilovun dürlü müəmması gərək,Yaxşı dolma və fəsincan və müsəmməsi gərək,İştəha açmağa sağər ü səhbası gərək,Təbx edən kişilərin belə müheyyası gərək,Ta guvara ola kim şairi-dövranə, pilov.
Tökələr kasəyi-bidməşk içinə şəkər xam,Dura qəndab xunək məcməidə bir dolu cam,Ola bir ruhi-mütəhhər, verə əndamə nizam,Sataşa bu gərinə bir mən kimi iştahi-tamam,
Çəngə-çəngə götürə loğməni mərdanə, pilov.
Dəhrdə hər gülü öz bülbülünə tuş edələr,Aşiqi sevdiyi məşuqə ilə həm-ağuş edələr,Meyi çox tərfə təarüflər ilə nuş edələr,Nuş edib ğüssəyi-dünyanı fəramuş edələr,Sonra meyl eliyələr qəhvə və qəlyanə, pilov.
Bu səbəbdən kasibin dünyada bədnamdır adı,Tapa bilmir gətirə qonağa bir darı-cadı.Əndəlibin o zaman hasil olur hər muradı,Ki bu dediklərinin hazır ola cümlə zadı,Bu siyaqilə gətirə məni mehmanə, pilov.
Kitabxana.az · https://kitabxana.az/en/works/endelib-qaracadagi-pilov
More by this author
Zülm eyləyib bu gərdişi-dövran, haray haray!Ömrüm yetişdi axıra, ey can, haray, haray!
Gəhi casusə üz tutdum, gəhi dildarə yalvardımGəhi casusə üz tutdum, gəhi dildarə yalvardım,Bulardan naümid oldum, dönüb əğyarə yalvardım.
Hərçənd düşdü eşqin odu canə, ey gözəlHərçənd düşdü eşqin odu canə, ey gözəl,Atəş vurubdu xərməni-imkanə, ey gözəl.
Sərgəştə könlümün yenə min müddəası varSərgəştə könlümün yenə min müddəası var,Qovğalı başımın nə bəlalı bəlası var.