Səbirsiz
Səbri olan qatarından üzülməz,Qarışmaz cərgəyə, sana səbirsiz,Səbirli düşünər, havayı gülməz,Tez başlayar şər, böhtana səbirsiz.
Səbirli ustaddan dərsini alar,Səbirsiz tay-tuşdan geridə qalar,Səbri olan günbəgünə ucalar,Batar çıxmaz heç bir yana səbirsiz.
Səbirli bəsləyər bağçanı-bağı,Səbirsiz düşünməz axşam-sabahı,Səbirli gözləyər dalı-qabağı,Düçar olar çox ziyana səbirsiz.
Səbirli xətadan bir təhər keçər,Səbirsiz zəhəri tələsik içər,Səbirli yüz ölçər, bir dəfə biçər,Dərhal düşər nahaq qana səbirsiz.
Səbirli ucalar, qalxar göylərə,Səbirsiz xətalar gətirər sərə,Miskinli Vəliyəm yazdım dəftərə,İnsan olmaz hər divana səbirsiz.
Kitabxana.az · https://kitabxana.az/en/works/miskin-veli-sebirsiz
Use ← → keys to move, R for a random poem
More by this author
Poems by other poets
Gör necə dönübdür dövri-zamanə,Vay günüdür müsəlmana vay günü,
Hanı o yarə uyub, xəlvət etdiyim gecələrHanı o yarə uyub, xəlvət etdiyim gecələr?Ənisü-munis, olub söhbət etdiyim gecələr?
Tarı bilsin, hicr bizar eyləyib candan məniTarı bilsin, hicr bizar eyləyib candan məni,Ey əcəl, imdad qıl, qurtar bu hicrandan məni.
Bu gecəDöndü murad üzrə fələkDövran bizimdir bu gecə