Kəlbin olub yaslanmışam dərdə yar,Bir kərə bizi çağırmazsan ayla,Bağa girdik keşt ilə gül dərdə yar,Süsən-sünbül gül və reyhan ilə

Mən ha oldum hanı qəbrim qazan gəl,Tapar Laçın qınağında qazan gəl,Yeri namərd dünya malın qazan gəl,Hesab oldur şadlıq ilə ayla

Mənsur kimi məni saldın meydadır,Üzün görən zində olur meydadır,Kim ki ləbin cür'əsindən mey dadır,İnanmazam məhşərəcən ayla

Pərizadə gəştə çıxmış dər düzə,Gəl üzünə inci düzə dər düzə,Ümid vardır rəqib canın dərd üzə,Fəna ruyə yetişməyə ayla

Saleh, çeşmin göllərində qu aşa,Hamısını çağır məhrum qu aşa,Rəng-ruyun təhnə qılur qoyaşa,Hilal qaşın bərabərdir ayla

Use ← → keys to move, R for a random poem

Random poem

More by this author

Poems by other poets · Love