Qadir Allah, budur səndən diləkim,Sən mərdi-namərdə möhtac eləmə,Qeyb xəzinəndən yetir ruzisin,Sən mərdi-namərdə möhtac eləmə

Qadir Allah, sənin kərəmin çoxdur,Tənəli söz xəncərdir, nizədir, oxdur,Qardaşın qardaşa vəfası yoxdur,Qardaşı qardaşa möhtac eləmə

Namərd körpüsündən olsam, keçmənəm,Karvan olsam, mənzilinə düşmənəm,Əldən camımı alıb içmənəm,Sağ əlimi sol ələ möhtac eləmə

Şair olan deyər sözün varısı,Varısı olmasa olsun yarısı,Qoy lap olsun gözlərimin birisi,Bu gözüm o gözə möhtac eləmə

Dəllək Murad deyir sözün zatını,Əl əldən ötkündür, işin çətini,Qurda quşa qismət elə ətini,Atanı oğula möhtac eləmə

Use ← → keys to move, R for a random poem

Random poem

More by this author

Poems by other poets