Ziddiyyətlər
Bağışlaya bilmirəm, yaman sınıbdır ürək,Sevirdim, sevdiyimi indi sevə bilmirəm.Məhəbbəti, ilqarı özü qırdı şüşətək,Yenə qədəm qoyummu, mən bu evə? Bilmirəm...
Bir şeir yazammıram yuxusuz qalsam belə,Həm də rahatlıq duyub bir an yata bilmirəm.Ünsiyyət tapammıram ilham ilə, təb ilə,Həm də dönüb qadıntək təbi ata bilmirəm.
Məhəbbətmi, həvəsmi çəkir sizin tərəfə,İki addım atmamış qayıdıram geriyə.“Getməyəcəm!” inamla söz versəm də bu dəfəYenə sizə gəlirəm mən yeriyə-yeriyə.
İstəyirəm birbəbir ürəyimdən keçəniÇırpam onun üzünə bir amansız şillətək.Lakin onu görüncə buruluram küçəni,Fövrən yana dönürəm bir çovumuş güllətək.
Ziddiyyətlər içində keçir ömür, keçir gün,Çöhrəmdə göz yaşıyla gülüş ünsiyyətdədir.Bəlkə mən yanılıram, bəlkə insan ömrününMənası, gözəlliyi elə ziddiyyətdədir?!
Kitabxana.az · https://kitabxana.az/en/works/eliaga-kurcayli-ziddiyyetler
Use ← → keys to move, R for a random poem
More by this author
Poems by other poets
Sən gedəli üzüm-gözüm gülmüyorMəndə yoxdur hal, başına döndüyüm
AxtıAxtının bax necə gör yaxşı gözəl halları var,Danışan şirin-şirin farsi-ərəb dilləri var,
EləsinBir kimsə yox izhar edim dərdimi,Deyim, dursun dərdə dərman eləsin.
OlurZərrəcə qəm çəkmə, aliyi-həzrətim,Qadir Mövlamız sənə yar olur,