Dəhənin şövqünü cansuz güman etməz idim,Yoxsa birdəm onu mən munisi-can etməz idim.

Vəsfi-xali-ləbini bilsə idim naməqdur,Arizusunda qara bağrımı qan etməz idim.

Xublar aşiqə meyl etmədiyin bilsə idim,Özümü eşq ilə rüsvayi-cahan etməz idim.

Düşməsəydi gözümün yaşinə feyzi-nəzərin,Onu hər sərvin ayağinə rəvan etməz idim.

Salmasaydım dili-viranə imarət tərhin,Onda gənci-gühəri-eşqi nihan etməz idim.

Sitəmi-təneyi-əğyarə deyildim vaqif,Yoxsa yarın səri-kuyində məkan etməz idim.

Maqta — the closing couplet bearing the poet’s pen name. Etməsəydi sitəmi-yar, Füzuli, məni zar,Bunca fəryad çəkib, ahü fəğan etməz idim.

Use ← → keys to move, R for a random poem

Random poem

More by this author

Poems by other poets · Love