Bir gözəl istərəm bu əvsafda,Gözəllər içində xubtər olsun.Qaşı qövsi-qüzəh, kirpiyi xunriz,Gözləri nərgis tək xoş nəzər olsun.

Telləri xurmayı, zülfü siyahı,Cəmalı məhv edər şəms ilə mahı,Gərdəni çəkilmiş sanki sürahi,Mələk xuyunda sərbəsər olsun.

Cəbhəsi müdəvvər bədr tək bəyaz,Cəfasında işvə, səfasında naz,Canlar almağa baxa çəp-əndaz,Cəllad-i xunfəşan əlhəzər olsun.

Yekağı ənnabi, buxağı həbab,Teli çöhrəsində edə iztirab,Sib-zənəx, püstə-dəhən, ləli-nab,Nəfəsi gül kimi müşk-ənbər olsun.

Sinəsi ağ ola, üzü meydanlı,Qübbə tək məmələr zər-girivanlı,

Beli nazik ola, saqrısı canlı,Qədd-ü qamət sərv-sənubər olsun.

Sümükləri xırda, əndamı sadə,Əl-ayağı bənzər ola şümşadə,Ələ düşsə bir beləsi dünyada,O kəsin iqbalı sərasər olsun.

Yaşı on dörd ola, danışan əhval,Söhbətində huşmənd və pür-kamal,Yaşadıqca gözəllikdə bizəval,Əvvəl-axır hüsnü bərabər olsun.

Ləhcəsi ahəstə, üzü xoş gülən,Nükdəşinası əhli-kamal, dərd bilən,Aşina olmaya ona hər gələn,Əhd-ü iqrarında mötəbər olsun.

Use ← → keys to move, R for a random poem

Random poem

More by this author

Poems by other poets