Bənzəyib
Deyirlər ki qız bibiyə oxşuyarMənim balam xalasına bənzəyib.Anasının bacıları bir deyil,Üzündəki xal hansına bənzəyib.
Dam dolusu toyu çəkib birinə,Şirinlikdə suyu çəkib birinə,Ucalıqda boyu çəkib birinə,-Balaca Qız Qalasına bənzəyib.
Anasını çıxarmayıb yadından,Od alıbdır gözlərimin odundan.Ad alıbdır nənəsinin adından,-Şirin-şəkər laylasına bənzəyib.
Kirpikləri yaranışdan hörgüdür,Təbiətin təşbehidir, görküdür.İkimizin arasında körpüdür,-Bir az mənə, bir az ona bənzəyib....
Gəlişindən evimizə gün düşüb,Qonşulara haray düşüb, ün düşüb,Hansı alma budağından gen düşüb,-Körpə ceyran balasına bənzəyib.
Nə az, nə çox on ay keçib ilindən,Təzə-təzə sözlər bitir dilindən.“Yanıxlıyam”anasının əlindən,-Nə yaxşı ki, xalasına bənzəyib.
Kitabxana.az · https://kitabxana.az/en/works/memmed-ismayil-benzeyib
Use ← → keys to move, R for a random poem
More by this author
Poems by other poets
Çərx fələk məni qıldın divanəAyrı saldın yarı anıb ağlaram
Qəbri-sədxaqandırEy könül, dünyayi-fani bil-bədahə fandır,Müddəti-tuli-bəqası ləhzeyi-əcfandır,
Didəbanam rəhguzari-şahı gozlər gozlərimDidəbanam rəhguzari-şahı gozlər gozlərim,Baqmazam qeyri yola, şəhrahi gozlər gozlərim.
Yalvara-yalvaraYarım çıxıb yaylaqlara,Qaldım, yalvara-yalvara.