Firqətin dərdi, nigara, bağrımı qan eylədi,Ruzigar oldu müxalif, vəsli hicran eylədi.

Canımı, yə’ni vüsalından kim, ayırdı fələk,Gəl bu cansız aşiqi gör kim, nə bican eylədi.

Bağrımın qanın gözümdən axıdar hər dəm qəmin,Ey sənəm, şövqün məni gör kim, nə giryan eylədi.

Dərdimin dərmanını fəzlindən Allah eyləyə,Hər dəvasız dərdə çün oldur ki, dərman eylədi.

Sirri-eşqin gəncimiş, anın yeri viranədir,Yıxdı eşqin könlümü, ol gənci viran eylədi.

Səndən ayru düşdügüm məndən degil, təqdirimiş,Həqdir, ey can, hər nə kim, təqdiri-yəzdan eylədi.

Maqta — the closing couplet bearing the poet’s pen name. Canını verdi Nəsimi çün saçın zəncirinə,Neçin anın məskənin zəncirü zindan eylədi?

Use ← → keys to move, R for a random poem

Random poem

More by this author

Poems by other poets · Love