Bülbül
Bülbül, fəğan etmə bu gecəyarı,Şirin yuxudadır hələ nazlı gül,Könüldə məhəbbət oyanmamışsa,Fəğanla oyatmaq olarmı, bülbül?
Qızılgül şahıdır bütün güllərin,O hələ qönçədir, yuxusu dərin,Ona oxşayanda meh sərin-sərin,Səbrinin kasası dolarmı, bülbül?
Gözəl bir ölkənin şən bülbülüsən,Heyran eləmisən qönçə gülü sən,Ellərin mehriban, şirin dilisən,Sevimli nəğməkar ağlarmı, bülbül?
Mənim də yurdumun bir Bülbülü var,Səsi bülbül səsi, qəlbi sənətkar,Həzin nəğməsində gülümsər bahar,Ona ilham verən baharmı, bülbül?
Ona çatan yoxdur hələ sənətdə,Şirin nəğmələrə saf məhəbbətdə.Dost, yar-yoldaşa xoş bir ülfətdəSəninlə bağlamış ilqarmı, bülbül?
Kitabxana.az · https://kitabxana.az/en/works/nigar-refibeyli-bulbul
Use ← → keys to move, R for a random poem
More by this author
Poems by other poets · Nature and spring
Cəkər xəclət, gülüm, ol gül üzündən gül cəmənlərdə,Üzündən qeyri yad etməz gülü bülbül cəmənlərdə.
Sənə bu hüsn, xəyal eyləmə müdam qalırSənə bu hüsn, xəyal eyləmə müdam qalır,Çəməndə hansı güli-tər ələddəvam qalır?!
ای دل به عشق روی تو از جان برآمدهجان در هوای تو ز تن آسان برآمده
Durnalar qayıdandaBahar yuxusundan oyadır yeri,Artıq könül sıxmır çəndə, dumanda,