Bahar yuxusundan oyadır yeri,Artıq könül sıxmır çəndə, dumanda,Durnalar qayıdanda.Nə qədər arzular qayıdır geri,Durnalar qayıdanda.

Bahar yer üzünün sevinc ayıdır,Bulaqlar qaynayır elə bil qanda,Durnalar qayıdanda.Çiçəklər qayıdır, güllər qayıdır,Durnalar qayıdanda.

Açır gözlərini dağın laləsi,Nərgiz də üzünə gülür aranda,Durnalar qayıdanda.Qayıdır çayların şaqraq nəğməsi,Durnalar qayıdanda.

Bu gün bir canlıyam, sabah torpağam,Gör nələr düşünür insan cahanda,Durnalar qayıdanda.Elə bil dünyaya qayıdacağam,Durnalar qayıdanda.Hər bahar qayıdanda!

Use ← → keys to move, R for a random poem

Random poem

More by this author

Poems by other poets · Nature and spring