“Füzuli kantatası”
Səslənir Cahangirin “Füzuli kantatası”,Kükrəyir qasırğası udun, qopuzun, tarın,Könüllərdə canlanır canlı əksi-sədasıBir bəstəkar şairin, bir şair bəstəkarın.
Oyadır ulusunu Füzulinin fəğanı,Məcnunun ahu-zarı dağı-daşı yandırır.İlahi bir sevginin umulmaz ərməğanıOyaq düşüncələrdə ulduzlar oyandırır.
Uzaq məsafələrdə ildırımlar aylanır,Gözləri qamaşdırır şimşəklərin məşəli.Qoşqarın zirvəsindən Savalana boylanırPeyğəmbər sənətkarın kəhkəşandan heykəli.
Qalxır bir günəş kimi şairlərin atası.Şəfəqlərmi süslənir, ümidlərmi bəslənir?!Səslənir Cahangirin “Füzuli kantatası”,Füzuli qüdrətiylə gələcəyə səslənir!
Səslənir hər akkordda duyğuların nidası,Ürəyində oxuyur ellər müğənni kimi.Səslənir Cahangirin “Füzuli kantatası”,Üzeyir dünyasının Füzuli himni kimi.
Tarixin sınağından çıxan bir imtahandır,Bu musiqi şerimi, ya şeir musiqisi?!Füzuli şeriyyəti cahanda bir cahandır.Cahanda bir cahandır Cahangir musiqisi.
İstanbul, 1984
Kitabxana.az · https://kitabxana.az/en/works/refiq-zeka-xendan-fuzuli-kantatasi
Use ← → keys to move, R for a random poem
More by this author
Poems by other poets
EY GƏNCLİK!**Sənin öhdəndə böyük bir vəzifə var. Səndən əvvəlki nəsil yoxdan bir bayraq, müqəddəs bir ideal rəmzi yaratdı, onu min müşkülatla ucaldaraq dedi ki:
ƏslimizƏslimiz olmuş əhli-Hövsandan,Gəmi zəhmətkeşi olubdur atam.
Gəraylı: Bir qiya baxışlı yardanBir qiya baxışlı yardanCüda olmaq nə mümkündür,
Yol istərəmAradım, tapmadım qapusinSaray səndən yol istərəm