Tiflis facıəsi
Ey ağalar, tarixlərdə görən var,Çox olubdur qalmaqalı Tiflisin,Neçə-neçə şahlar gəlib gedibdir,Heç olmamış belə halı Tiflisin
Kimsə qınanmasın iraqlı xanə,Qoşun yetişdi, baxdı hər yanə,Adam gərək ölüşlərə dayanə,Dolmuş idi dağı-dalı Tiflisin
Qızılbaş qoşunu döyüşün açdı,Namərd Başıaçıq daldaya keçdi,Topxanəsin Vali tullayıb qaçdı,Hər yerdən üzüldü əli Tiflisin
Düşmən doldu şəhrə, evlər çökülür,Gögçək oğlan, gözəl qızlar seçilir,Qaçmaq olmaz, məgər göyə uçulur,Heyf ola, yox idi balı Tiflisin
Bir od idi Tiflis üstə tökdülər,Qızıl gümüş cəvahirin çəkdilər,Damı daşı, küncü bucağı sökdülər,Qalmadı bir dənə ləli Tiflisin
Odladılar dükan, bazar, saraylar,Apardılar qumaş, parça, dərayılar,Çəkəcəkdir arvad-kişi haraylar,Hanı dirlər tərmə şalı Tiflisin
Can şirindir, heç şey görünməz gözə,Ağlaya-ağlaya yaş süzə-süzə,Anası uşağın atırdı düzə,Yandırırdı qəlbi, halı Tiflisin
Erməni-Gürcünün qırx kilsəsin,Hesabı yox, mən söyləyim nəsin,Zalım düşmən çıxar tacağın göz səsin,Meydanə töküldü malı Tiflisin
Keşiş, mahrasa, qarı və qoca,Qırdılar, o ki var, gündüz və gecə,Qan bazardan axdı, küçədən necə,Nisbət yağmuri seli Tiflisin
Qızıl gümüş xaçlar, incili kitab,Namaz pərdələrinə heç gəlməz hesab,Xudaya, sən etdin nə idi, ya Rəb,Heç belə gəlməmişdi eli Tiflisin
Ey Şikəstə Şirin, düşmən o günüDirdi Tiflis görməmişdi bu günü,Heç yerdən getməz dağı-dükünü,İntiqamın alar Vali Tiflisin
Kitabxana.az · https://kitabxana.az/en/works/sikeste-sirin-tiflis-faciesi
Poems by other poets
Məndən yüz döndərən zalım bivəfa,Səni görüm bir azara gələsən,
Tərəqqi və təbiətin qanunuYay fəsliydi, bir gün axşam çağında,Gəzişirdim Qız qalası dağında.
Müxəmməs: Gəlmiş ol alicənabın qasidi istər tüfəngGəlmiş ol alicənabın qasidi istər tüfəngEy gözüm, nəzzarə qıl, bax hər yana axtər tüfəng
Bəri baxAla gözlü, sərv boylu dilbərim,Həsrətin çəkdiyim canan, bəri bax.