Mehtər Nəim əfəndiyə oxşatma

Əzizim, aqil olma, cəhd qıl tut rəsmi-nadanlıq.Fəqət nadanlıq ilə dəf olar hər bir pərişanlıq.

Dəm ur zahid kimi bihudə daim adəmiyyətdən,Düşünmə, anlama, bilmə, nədir dünyadə insanlıq.

Salıb nari-fəraqə, Adəmi cənnətdən ixrac et,Elə zahirdə möminlik, vəli batində şeytanlıq.

Cavansan, ömrünü sərf etmə elmə, keyfə məşğul ol,Çəkərsən aqibət, oğlum, qocalsan çox peşimanlıq.

Olub sailbəkəf daim dolan, bilmə həya qədrin,Gədalıq rütbəsin kəsb et, budur aləmdə sultanlıq.

Müsəlmansan nə eybi, vur, yıx, öz dindaşını öldür,Budur, qanuni-milliyyət, budur rəsmi-müsəlmanlıq.

İnanma elmdən bir faidə var, derlər insanə,Qulaq vermə bu mövhum sözə, odur məhz heyvanlıq.

Meyü məşuqə ilə gündə məst ol, hüşyar olma.Əgər kəsb etmək istərsən cahanda elmü ürfanlıq.

Görüb bir əcnəbi, tülkü kimi tez gəl ona yalvar,Vəli həmcinsinə qəhr eylə daim, eylə aslanlıq.

Use ← → keys to move, R for a random poem

Random poem

More by this author

Poems by other poets · Wisdom and advice