Bu nə meydir ki, içirkən məni bihuş etdi?
Bu nə meydir ki, içirkən məni bihuş etdi?Xatirimdən qəmi-ənduhi fəramuş etdi!
Tapmadım çarə yanan könlümə meydən qeyri,Məni eşqin nə qədər dərdü qəmə tuş etdi.
Gər əlim yetsə, ayağından öpərdim, saqi,Xümi-meytək mey içərkən bədənim cuş etdi.
Cənnət əhli o adamdır ki, dönüb vaizdənPiri-meyxanə nəsihətlərini guş etdi.
Mey əgər ləli-ləbi-dilbərə aludə deyil,Bəs ayağinə sürahi niyə kürnuş etdi?
Eşq bir şölə çəkib, yandı vücudum yeksər,Gör ki, bir ah bu şəmi necə xamuş etdi!
Tökdü, Vahid, yenə yarım üzünə tellərini,Cəm ikən xatiri-məhzunimi məğşuş etdi.
Kitabxana.az · https://kitabxana.az/en/works/vahid-bu-ne-meydir-ki-icirken-meni-bihus-etdi
Use ← → keys to move, R for a random poem
More by this author
Tale mənə yar olmasa, mən neyləyə billəm?Zövqümcə nigar olmasa, mən neyləyə billəm?
Vəfasız eyləyən ol nazlı yarı mən özüməm.Vəfasız eyləyən ol nazlı yarı mən özüməm.Salan nəzərdən o çeşmi-xumarı mən özüməm.
Mən həmişə yarımın zülfün pərişan istərəmMən həmişə yarımın zülfün pərişan istərəm,Ağ üzündə qara xalın, çünki pünhan istərəm.
Nə eybi var, gözəlim, hər nə eyləsən dözərəmNə eybi var, gözəlim, hər nə eyləsən dözərəm,Yolunda həsrət ilə eşq çöllərin gəzərəm.