Güllü xəncər
Qanadlı Afaq Məsuda
Məni görən dərd balalar,Beşi, onu, mini keçər,Tezcə baxaram üzünə,nə dərdi var mənə keçər.
Dərdi keçər, getməz yenə,Göz qırpmadan durub baxar,bir əlindən xəncər çıxar,bir əlindən gülü baxar.
Güc yığar xəncərli əli,dayanmaz ahu-zarıma.xəncərin vurar sinəmə,gülün qoyar məzarıma.
Elə bilər məndən gəlir,Məndədi bütün dərdləri,Bir daha vurar xəncəri,Elə vurar, elə bilərÖldürür bütün dərdləri.
Hərə bir təhər öldürər,Kəsər iliyimdən məni.Kim sevdiyindən öldürər,Kim dəliliyindən məni.
Yenə sağ olsun hər biriSeçər gülün ətirlisin,Çox əziyyət verməz mənə,Seçər xəncərin itisin.
Ölüm hər təzə gələninağzında təzə dad olar,Xəncər vurar, gülün qoyar,Əlləri də rahat olar.
Gələr təzə vətən oğlu,qəbrimdən qalxıb baxaram,yenə bir xəncərə doğru,yenə bir gülə qalxaram.
Axırda elə bilərəmTək bir gül var, tək bir xəncər,Xəncər vuran, gül gətirənadamlar, əllər dəyişər.
Yalvararam sinəmdən heçÇixarmayın bu xəncəri,Xəncər sinəmdə basdırın,bilinməsin qəbrin yeri.
Bir daha xəncər vurmaqdanağrımaz əli heç kəsin,qəbrimə gül gətirməkdəncanınız qurtarar sizin.
Vallah, gül də istəmirəm,Lap eşqlə də dolmuş olsa,bəsimdi xəncərin üstdəbir gül şəkli olmuş olsa.
Kitabxana.az · https://kitabxana.az/en/works/vaqif-bayatli-oder-gullu-xencer
Use ← → keys to move, R for a random poem
More by this author
Poems by other poets · Nature and spring
Əlminnətəlillah ki, bahar açdı niqabın,Gün çıxdı, üzü güldü gülüstanə səhabın,
Şah dağıAləmdə dastan olub səddin, sorağın, Şah dağı!Açılıb nərgiz, bənövşən, əcəbdi çağın, Şah dağı!
Əzəldən biz də bir şəkər ləbi sevdik sevənlər təkƏzəldən biz də bir şəkkər ləbi sevdik sevənlər tək,Olub risva ağızdan-ağıza düşdük süxənlər tək.
Mən səni gördümƏzəldən bağçasız bir bahar idim,Dünyaya sığmayan intizar idim,