Əqrəb var çiçəkdə yuva salıbdır,Bülbül var gül ilə dava salıbdır,Mən toyuq yerişli şahin görmüşəm,Dünyanın çox işin çətin görmüşəm.

Bəzən qapı iti qurdtək ulayır,Bəzən qurd qapıda quyruq bulayır,Allah da bəndənin hirsinə düşür,Dünyanın çox işi tərsinə düşür.

Ömrün yazı solur, sərt qışı gedir,Cəlladı sevənin öz başı gedir,Şairin qiyməti sözü qədərdir,Dünyanın ağrısı özü qədərdir.

Ocağa gedirsən, gözə göz dəyir,Yanan ocağa da bəzən göz dəyir,Ölümün ağaran dişlərinə bax,Bu gözəl dünyanın işlərinə bax...1996

Use ← → keys to move, R for a random poem

Random poem

More by this author

Poems by other poets · Nature and spring