Günlərin birində Molla evə gəlib baxır ki, içəridə oğru var. Oğru
Molladan qorxur, Molla oğrudan. Bir müddət ikisi də donub qalırlar.
Handan-hana oğru özünə gəlib qaçmaq istəyir. Molla çar-naçar atılır
oğrunun üstünə. O, bunu yıxır, bu, onu yıxır, axırda Molla oğrunu üstələyir,
ayaqlarını bağlayır, uzadır evin ortasına. Özü də gedir hakimin
yanına ki, xəbər versin, gəlib tutsunlar.
Hakim Mollanı ətraflı danışdırıb əhvalatı öyrəndikdən sonra soruşur:

– Bəs indi oğrunun yanında kim var?

Molla deyir:

– Heç kim.

Hakim soruşur:

– Yaxşı, sən deyirsən ki, onun ancaq ayaqlarını bağlamısan, yanında
da heç kəs yoxdur. O, indi ayaqlarını açıb qaçar ki...

Molla fikrə gedir. Görür ki, hakim haqlıdır. Deyir:

– Hakim ağa, sən tamam haqlısan. Ancaq bu ki mənim ağlıma gəlməyib,
heç onun da ağlına gəlməyəcək. O da bizim yerlidir.

Doğrudan da gedib görürlər ki, ayaqlarını açıb qaçmaq oğrunun
ağlına gəlməyib.

Use ← → keys to move, R for a random poem

Random poem

More by this author

Durna teli

Eyvaz Çənlibelə gələndən bəri telli Nigarın ürəyi yerinə gəlmişdi. Tay ürəyində heç bir dərdi yox idi. Qoç Koroğlu kimi ər bir yanında, Eyvaz kimi oğul bir yanında, bəylərə, paşalara qan udduran dəlilər də ki, gözünün qabağında. Kef, ləzzət, damaq biridi ki, o da Nigardaydı.Hərdən Çənlibelin laləli, nərgizli ətəklərinə baxıb öz-özünə deyirdi: "Görəsən bütün arvadların arasında heç mənim kimi xoşbaxtı varmı?".

18 min
Koroğlunun Rum səfəri

Aşıq Cünun gəzə-gəzə gəlib Rum elinə çatdı. Küçələri gəzirdi, birdən-birə küləfirəngidə bir gözəl gördü. Aşıq gözü ilə buna bir nəzər salıb baxdı ki, vallah qız nə qız. Gözlər qara, qaşlar kaman, dişlər mirvari, dodaqları yaqutun kənarı kimi. Tellər qara, xallar qara, gözlər elədi, elədi ki, dərd əhlinə gəlgəl deyir.Cünunun ağlı başına vurub dayanıb ona tamaşa eləmyə başladı.Bu qız kim ola, kim ola, Rum paşasının qızı Məhbub xanım.Məhbub xanım baxdı ki, çiynində sazı olan bir aşıq küçədə durub ona baxır.

10 min
Koroğluynan Bolu bəy

Xotkar bütün paşalara hökm eləmişdi ki, Koroğlunu ya öldürsünlər, ya diri tutub onun yanına göndərsinlər.Paşalar bu işdən yaman əl-ayağa düşmüşdülər. Hasan paşanın da canını qorxu almışdı.

19 min
Həmzənin Qıratı aparması

Bolu bəyin başına gələn iş bütün paşaları, xanları, bəyləri qorxuya salmışdı. Ta elə ki, gecələr yata bilmirdilər.Qoç Koroğlunun adı gələndə qorxudan siçan deşiyi axtarırdılar ki, gizlənsinlər.

28 min

Poems by other poets