Dost yolu bağlandı, ümid kəsildi
Dost yolu bağlandı, ümid kəsildiQasidin dəmbədəm kitabətindən.Çərxi-sitəmgərin, dövri-zalımınÖlüb qurtarmadıq ədavətindən.
O mehrabü minbər qaşlara mailOlmayanın olmaz imanı kamil;Yüz il başın yerə döyə, nə hasil,Zahidin bihudə ibadətindən.
Saxladığım bəsdi canı bədəndə,Bundan artıq yoxdu təvanə məndə.Sizi tarı, deyin yara düşəndə,Məgər əl götürüb əmanətindən?
Nə xoşdur cananə canı yetirmək,Doyunca nəzarə eyləyib ölmək.Aşiqə məşuqun didarın görməkZiyadədi Kəbə ziyarətindən.
Qoyubdu Zakiri qəm məkanında,İntizar gözündə, qüssə canında;Gözəllər içində, xublar yanındaÜzə çıxa bilməz xəcalətindən.
Kitabxana.az · https://kitabxana.az/en/works/zakir-dost-yolu-baglandi-umid-kesildi
Use ← → keys to move, R for a random poem
More by this author
Poems by other poets · Love
O mücgani-siyəh-novkin xədəiki-yarə bənzətdim.Xətadır çeşmi-məstin ahuyi-Tatarə bənzətdim.
Qadın ürəyiNecə rəhmlidir, necə amansız,Necə mehribandır qadın ürəyi!
HicranAyrılıq dediyin duzlu bir sudur,içdikcə köz kimi yandıracaqdır.
GəlsinBaşına döndüyüm qasid xoş qədəm,Ərzimi get söylə canana, gəlsin.