Gözlərimi özün qapa
Dedim gəl bir seyrə çıxaq,– Yox, gələ bilmərəm, – dedi.Dedim nazı bir yana qoy,– Yox, gələ bilmərəm, – dedi.
– Qapım açıq, baxtım açıq,Sevmir mənim baxtım açıq,İşıq kimi baxtıma çıx.– Yox, gələ bilmərəm, – dedi.
– Dağları en, dərəyə gəl,Ovçun mənəm, bərəyə gəl,Yaşıl bir mənzərəyə gəl,– Yox, gələ bilmərəm, – dedi.
– Budaqlardan dərim gülü,Qədəminə sərim tülü,Gəl sevindir bu könülü.– Yox, gələ bilmərəm, – dedi.
– Əcəl yatmır ipə-sapa,Kim itirə, kimlər tapa,Gözlərimi özün qapa.– Yox, gələ bilmərəm, – dedi.
– Dözümüm, səbrim üstə gəl,Zəhmətim, cəbrim üstə gəl,Ölürəm, qəbrim üstə gəl.– Yox, gələ bilmərəm, – dedi.
Kitabxana.az · https://kitabxana.az/en/works/zelimxan-yaqub-gozlerimi-ozun-qapa
Use ← → keys to move, R for a random poem
More by this author
Poems by other poets
Mari-siyahi-zülfün edər xanə könlümü,Qıldı məhəlli-gənc bu viranə könlümü.
A yaz aylarıBaşladı novbahar, çəmən seyrinə,Çıxıbdı gözəllər, ay yaz ayları.
DağlarBahar fəsli əskilməyirGüneylərdən lala, dağlar.
YüyürQıs vurun qoçaqlarım iti canavara, yüyür!A gədə, Novruzalı çıx kəndə, xəbərə yüyür!