Nolar Allah adama qara xal verəndə,Gözəl üz, incə qamət, göyçək camal verəndə.Nolar adamın qaşı dönəndə ayparaya,Gözüylə odmu vurar könül adlı saraya?!Nolar adam tanrının boş vaxtına düşəndə,Könlünün, qələminin xoş vaxtına düşəndə.Nolar insan dönəndə gözəllərin şahına,Batarmı bu dünyanın bir yığın günahına?!“Harda olsam darıxma, gələcəyəm”, – demişdin,“Səndən ötrü sabaham, gələcəyəm”, – demişdin!O sabahım bəs hanı?Ürəyimi titrədən o ilahi səs hanı?!Nəfəsimi yandıran o isti nəfəs hanı?!Bəlkə, könül doymamış köçən yazdı gözəllik,Əlimizin bəxtindən əlçatmazdı gözəllik?!Hara salım yönümü, mən səni hardan tapım,Hansı eldən soruşum, hansı diyardan tapım?İnsafmı həsrətinlə, xəyalınla yaşayım,Sevginin daş yükünü sənsiz necə daşıyım?Üzü bozdu həsrətin, sərt qayası çapılmaz,Günü budur sevənin:Gözlədiyi görünməz, axtardığı tapılmaz!!!

Use ← → keys to move, R for a random poem

Random poem

More by this author

Poems by other poets · Divine love