Vənd
Səfheyi-mülk cahanda xalə bənzərdir Vənd,Basəfalıqda behişt ilə bərabərdir Vənd
Məscidi bimisl, meydanı, çinarı binəzir,Suyunun hər cur'əsi bir abi-kövsərdir Vənd
Sərvlər çərx yerinə baş çəkibdir bağ ara,Dörd tərəf nəxl ü sənəvbər bid ü ərərdir Vənd
Xoş havadır, basəfadır, xasə fərvərdin ayı,Zülfi-məhbuban kimi daim müənbərdir Vənd
Gər qələm əhli kitabə yazsa ilqayi-qüra,Şəhərlərdən cümlə məclisdə müsəddərdir Vənd
Əhli-xibrət gər tapubsa kimya əfsanədir,Sərbəsər başdan ayağ kükürdi-əhmərdir Vənd
Səhni-gülzarı dolub gülhayi-rəngarəngilə,Nət'i-minakərdi, ya dükani-zərgərdir Vənd
Nəğmeyi-hüdhüd çinar üstündə tutmuş aləmi,Elə şurəngizdir guya ki məhşərdir Vənd
Bülbülün şurunu gör, bir yanda qumru naləsin,Gülşən içrə fil-misl çun cəşni-qeysərdir Vənd
Kim deyil kim görə keyhan içrə bu Əlbürzdən,Buqübeysin başına bir tərfə əfsərdir Vənd
Hər nəsimi-can fəza gəlsə gəlir bu ölkədən,Şeş cəhət xuldi-bərin tək ruhpərvərdir Vənd
Saf zərdir, söyləsən vəsfin qəzəl söylə yazıb,Dağ-daşdan səs gələr bundan da bərtərdir Vənd
Bir qələt sözdür "Gülüstani-İrəm" tərifdə,Aç gözün, qıl bir nəzər, gör hansı dilbərdir Vənd
Saqiya, sən görməyibsən şol "Gülalə çeşmə"sin,Bir qədəh doldur, sərapa qənd ü şəkərdir Vənd
Səhni-gülzara qədəm qoy, gör gülüstan nəkhətin,Mahrular bəzmi tək daim münəvvərdir Vənd
"Asiya" seyri "Müsəlla" seyrinə vermiş şikəst,Deməsin "Xacə" ki "Rükn-abad"a bənzərdir Vənd
Dər-i gunagun ilə ləbrizdir damani-küh,Ləli-mərcan kanı çun dəryayi-əxzərdir Vənd
Xoş məkandır, lik səd əfsus yox bir əhli-dil,Bu səbəbdən ruz u şəb daim məkdurdur Vənd
Dərd çox, həmdərd yox, mənzil savux, bir şuğl yox,Qış qatı mu'nis tapılmaz, səslərim kərdir Vənd
Xürdədanlar Qüdsiyə irad çox tutmasun,Çünki əvvəldən ona məskən müqərrərdir Vənd
Kitabxana.az · https://kitabxana.az/works/mir-ebdurrehim-qudsi-vend
← → düymələri ilə keçid, R — təsadüfi şeir
Müəllifin digər əsərləri
Nə bədxudur gözəllər hər kimi gördükdə nişlər,Çəkərlər təyğ əbrudən nəzər əhlin qılışlər
Qəzəl: Şanənin qəsdi nədir çəkməz əlin birçəkdənŞanənin qəsdi nədir çəkməz əlin birçəkdən,Mən kimi aşiq olub zülfə məgər görcəkdən
Mürəbbə: Gənə yada düşdü sərxoş nigarımGənə yada düşdü sərxoş nigarım,Başımdan əql-ü huş oldu fərari.
Nəhalmı var?Məstanə gözlərin xumarlanubdur,Can almaqda gənə xəyalmı var?