Zirvədən-zirvəyə atını çapanCilovsuz küləklər muraz üstədi.Haraylı qayalar, havalı dağlar,Ətirli çiçəklər muraz üstədi.

Gözəllər Günəşin əlini sıxdı,Gülüşün sədası göylərə çıxdı.Bulud kişnərtisiz yaman darıxdı,Havada şimşəklər muraz üstədi.

Yazın sevgi çağı, oğlan vaxtıdır,Çəmən təbiətin yaşıl taxtıdır.Açılan lalə yox, insan baxtıdır,Döyünən ürəklər muraz üstədi.

1976, 2 aprel

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar