Oxu, bir də oxu, ay Məlik dayı,Bir də de özündən, özünə qurban.“Sarıtel” üstündə orta pərdədə“Ay bulaq” dediyin sözünə qurban.

Odlu nəfəsinlə suya dönər qar,Açılar qəlbində qaynar bir bahar.Azaflı kəndində şeir ocağı var,O sönməz ocağın közünə qurban.

Yaşın yetmiş iki, ürəyin cavan,Hələ çay kimidi damarında qan.Borçalı balası cavan Zəlimxan,Sənin o görməyən gözünə qurban.

1973, 30 iyun

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri