Bax-bax
Bir küncə qısnayıb sıxırlar məni,Nə betər gəlibdi zamana, bax - bax!Ümidsiz, köməksiz ortadayam mən,Dağları bürüyən dumana bax - bax!
Gəzdim, dolandım mən bu boş dünyanı,Nə çoxdu boş lafı, vədi, hədyanı.Müxənnət artıbdı - bilinmir sanı,Göylərə yüksələn amana bax - bax!
Bizimki gətirmir - belə görmüşəm,Mal - mülkü vermişəm yelə, görmüşəm.Göz yaşım dönübdü selə, görmüşəm,Məndəki xəyala, gumana bax - bax!
Hanı mərd kişilər, meydan boş qalıb?!Səxavət yox olub, mürvət azalıb.Bucaqlar boşalıb, ocaq sozalıb,Kef çəkən namərdə, yamana bax - bax!
Dərd - bəla azalmır nə qədər desəm,Fələk durma deyir elə qəm yesəm.Heydər, mən də axı soylu bir kəsəm,Gəlmişəm həm dinə, imana bax - bax!
Kitabxana.az · https://kitabxana.az/en/works/asiq-heyder-bax-bax
Use ← → keys to move, R for a random poem
More by this author
Poems by other poets
Əyyami-nəhsdə qəmər əqrəbdəBir neçə kəslərə siyasət oldu,
Yurd mahnısıBir yerdə savaş qopsa da,Bir yerdə barışdı.
Dağıtsam hər tərəf zülfi-səmənsanı, ağan canıDağıtsam hər tərəf zülfi-səmənsanı, ağan canı,Giriftar eyləıəm sen kimi Zibanı, ağan canı.
AğlaramSənin ilən keçirdiyim günləriEy sevdiyim, indi anıb ağlaram