Səndədir
Getmənəm obağdan, çıxmasın adın sənin,Söylənməsin heç bir yerdə yeməli zadın sənin,Əmdim şirin dodaqların, bal dadır dadın sənin,Küsmə, dilbər, barışalım, hər qəbahət məndədir,Versələr dünya xəracın, bil ki, gözüm səndədir.
Girdim dostun bağçasına, nübar üzdüm yeməyə,Yara bir cüt sözüm vardı, utanırdım deməyə,Ol qədər ki mən yanaram ayda, ildə görməyə,Küsmə, dilbər, barışalım, hər qəbahət məndədir,Versələr dünya xəracın, bil ki, gözüm səndədir.
Girdim dostun bağçasına, gül açmış fincan kimi,Ağ üzündə iki xal var, hər biri mərcan kimi,Gəl soyunaq, bir də yataq, iki tində bir can kimi,Küsmə, dilbər, barışalım, hər qəbahət məndədir,Versələr dünya xəracın, bil ki, gözüm səndədir.
Aşıq Ömər, geyməsəydi ayağının məstini,Zalım Bəkr kəsdirmişdir ağ məmənin üstünü,Mən bəs kimə şikvə edim, aldı sadiq dostumu,Küsmə, dilbər, barışalım, hər qəbahət məndədir,Versələr dünya xəracın, bil ki, gözüm səndədir.
Kitabxana.az · https://kitabxana.az/en/works/asiq-omer-sendedir
Use ← → keys to move, R for a random poem
More by this author
Poems by other poets · Nature and spring
Gülə candan, könüldən aşiq olan bülbüləBaşqa bir gül göstərin, aşiq olsun o gülə...
Demiş hər qönçəyə aşiqliyim razın səba derlərDemiş hər qönçəyə aşiqliyim razın səba derlər,El ağzın tutmaq olmaz, qorxuram, ey gül, sana derlər.
Ey gözüm, vermə könül bu gözü xummarılərəEy gözüm, vermə könül bu gözü xummarılərə,Olma mayil bu qara qürrəli dildarlərə.
Ey qoyan könlümə qan, oldumu hüsnün faniEy qoyan könlümə qan, oldumu hüsnün fani,Tapdımı xarü xəsi-xüşk o tər bostani?