Ağı
Növrəstə Cavadım,Güldəstə Cavadım,Heyf olsun ki getdin sən,Ey xəstə Cavadım.
Qaldı bədövün cərgə düzülmüş, başı bağlı,Üstü bəzənən xələtin əsbabı yaraqlı,Hərdəm yolunu gözlər atın oxlu sadaqlı,Peykanlı Cavadım,Saf qanlı Cavadım,Çıxdın necə tez sandan,Ey sanlı Cavadım.
Divanxanana baxıb qulların ağlar,Qapıda əli bağlı durub ellərin ağlar,Bülbülün oxur bağda, qızıl güllərin ağlar,Hörmətli Cavadım,Mürvətli Cavadım,Həsrətlə yuman gözlərin,Həsrətli Cavadım.
Gülzarına, aranına, yaylağına qurban,Kaşanəsi viranə, boş otağına qurban,Getdin, ay oğul, necə dözüm dağına qurban,Həmmətli Cavadım,Qeyrətli Cavadım,Qayıt geriyə, qapılanım,Sövlətli Cavadım.
Yayınma gözümdən, dinim-imanım, oğul, vay,Fikrim-xəyalım, təndə şirin canım, oğul, vay,Dərdini çəkən ellər ilən yanım, oğul, vay,Heybətli Cavadım,Qüdrətli Cavadım,Gəl etmə fəramuş məni,İzzətli Cavadım.
Məni gözü yaşlı qoyub ataya gedirsən,Yəni bu fənadən köçüb üqbaya gedirsən,Xeyirə dönə, oğlum, yolun hər cayə gedirsən,Kamallı Cavadım,Zəvallı Cavadım,Toyu yasa dönən,Qara iqballı Cavadım.
Kitabxana.az · https://kitabxana.az/en/works/el-sairleri-adsiz-agi
Use ← → keys to move, R for a random poem
More by this author
Dolanım başına, ey gözləri məstan, qara pul,Nə əziz eylədi səni xaliqi-Sübhan, qara pul.
UstalarƏrz idim mən sizə bu ustaların yalanın,Nəhyini əzbər ediblər o əziz Mövlanın.
Bu yerlərBu məkanda müşk-ənbər buyu var,Qara gözlüm gəzən yerdir bu yerlər,
MəcnunNəcdin dağı Məcnun,Leyli deyib dolan Məcnun,
Poems by other poets
Könül qulluq ilə kamil ustada,Kamala yetmədik, işin xam qaldı
Mürəbbə: Gənə yada düşdü sərxoş nigarımGənə yada düşdü sərxoş nigarım,Başımdan əql-ü huş oldu fərari.
Iqbalnama, chapter 34مغنی دلم دور گشت از شکیبسماعی ده امشب مرا دلفریب
EylərEy ağalar məni niyə qınarsızEyləsə dərdimə bu dərman eylər