Bir dəstə yağış
Bir yağış – insanın göz yaşıdır,Yağmağa hazırdır hər an.Yağanda yeri-göyü yandıranGöz yaşının hər giləsi,Yanaqda donub qalmışPar-par yanan buz zərrəsi!Təsəllidən isinib əriyən,Dama-dama ürəyə damanSevincdir, dərddir.
Bir yağış – ağacın göz yaşıdır,Payızda aləm solandaYarpaqlar xəzəl olandaBudaqlardan qopub düşər.Hər solmuş yarpaq – torpağaQüvvət verən qənimətdir.
Bir yağış – daşın göz yaşıdır,Daşın göz yaşı –Kasası dolmuş səbrdir.Sıxılmış dözümdür,İlahi qüdrətdir.
Bir yağış – çiçəklərin, otların göz yaşıdır,Şehdir,Zehdir,Qövsi-qüzehdir,Yuyulmuş çəməndir,Gözəlləşən təbitədir.
Bir yağış – əsl yağışdır,Bu da göylərin göz yaşıdır.Gurultu salıbŞimşəyə bürünəndir.Ruzi olub yerə enəndir,Göydən gələn bərəkətdir.
Bütün göz yaşları torpağı yaşadır,Göz yaşı içməkdən doymadı torpaq.İnsan, ağac, daş, çiçək, ot, yağış ağlar.Dünya durduqca – bunlar ağlayacaq!Bu göz yaşları olmasa –insan doğulmaz,ağac bitməz,daş dözməz,ot göyərməz,bulud dolmaz –həyat olmaz!
08. 2007 – 08. 2009
Kitabxana.az · https://kitabxana.az/en/works/fikret-sadiq-bir-deste-yagis
Use ← → keys to move, R for a random poem
More by this author
Poems by other poets · Nature and spring
Sən güllər ilə gül, gözəlim, gülşən içində,Bülbüllər ilə mən də gəzim şivən içində.
Əlminnətü-lillah ki, "Dəbistan" da qapandı!Əlminnətü-lillah ki, "Dəbistan" da qapandı!Bir badi-xəzan əsdi, gülüstan da qapandı!
BahariyyəBir belə mövsümdə bahar çağdaHeyf deyil baş qala təpraqda
HeyifEvimdə bir dəstə gül-çiçək:sarı, ağ, qırmızı.