Ay İrandan mal gətirən,Nə bilim nə şirkəti!Dovşan bu tayda da var,Gətirirsən şir gətir!

Dünyanın o başından,İri-xırda maşınnan,Gecə-gündüz daşınan,Lap haray-həşir gətir.

Amma, tiryək gətirmə!İblis-mələk gətirmə!Saxta ürək gətirmə!Ondansa səbir gətir!

Özün seç, özün bəyən,Plastmass suçiləyən,Dolça, aftafa, ləyən,Mal qıtlığıdır bəyəm?Bir az da xəlbir gətir!

Köhnə saqqız, şirin duz,Tez paslanan çuvalduz,Guya satılır ucuz,Şıdırğı gedir-gətir.

Boş yapışqanlı başmaq,Yalançı gül, təmtəraq,Zəri tökülən daraq,Nə xeyirlidir gətir!

Baş vur daha dərinə,Baş işlət öz xeyrinə,Baş dərmanı yerinəAdi təbaşir gətir.

Qapı-qapı düşüb tap,Gözsüz iynə, çürük sap,Çürüt bizimlə hesab,Gətirhagətir – gətir.

Sən türkü söyə-söyə,Yol verdin erməniyə,Bircə bu qalıb, ayə,Məscidə kafir gətir.

Əlində bezardı yol,Tacirsənsə tacir ol!Sənə kim deyib, oğul,Sirr aparıb, sirr gətir.

«Haqq-hesab»da haqqa bax!Başda yazılıbdı haqq:Haqsız söz demə, qoçaq,Sözünü bişir gətir.Dovşan bu tayda da var,Gətirirsən şir gətir.

Bakı, aprel, 1997

Use ← → keys to move, R for a random poem

Random poem

More by this author

Poems by other poets