Ey könül, yarı istə, candan keç,

Səri-kuyin gözət, cahandan keç!

Ya təmə kəs həyat zövqindən,

Ya ləbi-ləli-dilsitandan keç.

Mülki-təcriddir fərağət evi,

Tərki-mal eylə, xanimandan keç.

Laməkan seyrinin əzimətin et,

Bu xərab olacaq məkandan keç.

Etibar etmə mülki-dünyayə,

Etibari-ülüvvi-şandan keç.

Əhdi-dünyanın olmaz axirəti,

Gər bunu istər isən, ondan keç.

Məskənin bəzmgahi-vəhdətdir,

Ey Füzuli, bu xakidandan keç!

Use ← → keys to move, R for a random poem

Random poem

More by this author

Poems by other poets