Əlvida, yaxud acı bir iqrar
Ah, bədməstü xərabız cümləmiz bir camdən,
Min günəş doğsa, oyandırmaz şəbi-övhamdən.
Dinləyin iqrarımı, yaran, dili-nakamdən:
Qət’i-ümmid eylədik biz doğrusu islamdən.
Ah, yox bir hal əməlbəxşayi-istiqbal ola!
Yox iki qardaş belə islamdə yekbal ola!
Qorxuram bu ixtilafın ardı izmihlal ola!..
Qət’i-ümmid eylədik biz doğrusu islamdən.
İntibah etsin deyə islam fəryad eyləriz,
Min nəva, min növheyi-dilsuz inşad eyləriz,
Zənn edərdik ümməti-islamı irşad eyləriz,
Qət’i-ümmid eylədik biz doğrusu islamdən.
Çünki elmü dinü dəhrə iltifatın yox sənin,
Yox deməkdir, yox deməkdir, yox həyatın, yox sənin!
Eyyühəl-islam, ümmidi-nicatın yox sənin,
Qət’i-ümmid eylədik biz doğrusu islamdən.
Nuri-ürfanla gərək tənvir qəlbü qalibi,
“Ütlübül elmə vəlov bis-Sin...” buyurmuşdur nəbi,
Rəxnədar etdik cəhalətlə əsasi-məzhəbi,
Qət’i-ümmid eylədik biz doğrusu islamdən.
Başqa bir vadidə puyandır Firəngistan bu gün,
Onları təhqiri, heyfa, sanmışız iman bu gün!
Bu gedişlə onlarındır atiyi-imran bu gün,
Qət’i-ümmid eylədik biz doğrusu islamdən.
Düşməni-ənvar olur ol çeşm kim, binurdur,
Nəzreyi-xəffaşdə, əlbət, günəş mənfurdur,
Didə görməz, guş eşitməz, fikrimiz məsturdur,
Qət’i-ümmid eylədik biz doğrusu islamdən.
Daşlara tə’sir edərdi naleyi-cangahımız,
Olmadı tə’sirbəxşi-əhli-islam ahımız,
Nifrət etmiş sanki bizdən, Hadiya, Allahımız,
Qət’i-ümmid eylədik biz doğrusu islamdən.
Kitabxana.az · https://kitabxana.az/en/works/hadi-elvida-yaxud-aci-bir-iqrar
Use ← → keys to move, R for a random poem
More by this author
"Ana dili gərəkdir" deyənlərəİştə bir yoxsul... oyləcə düşünür:
Əndişeyi-həyatVardırmı bir insan bu şünzari-aləmdə –Pabəndi-bəla olmaya sərpənceyi-qəmdə?!
Aşiyani-viranSoyuğun, atəşin əlində qalan,Calibi-mərhəmət, gözəl bir quş
Təkamüli-mə'kus və ümmidi-pərişanBir gözələ*Şəbrəng saçların nə pərişandır, ey pəri,
Poems by other poets
Allahdan qorxub bir insaf edin,Az incidin bizi, sarı sərçələr,
MiçəkQurdum hər cür torumu, vermədi fayda miçəkə,Sataşır gündə gözüm xörəkdə, çayda miçəkə,
Ey əhli-eşq, dərdü ğəmən eyşü şadlıqEy əhli-eşq, dərdü ğəmən eyşü şadlıq,Eşqünə şadlıq, mana bəs namuradlıq.
Ey mənim laləzər çiçəkli bağçamEy mənim laləzər çiçəkli bağçam,Gülüstan qoynunda fəvvarə vuram,