Sən bir açılmalı təzə qönçəsənMən sənin yarpağın olaydım, ay qız!Nazlısan, sazlısan, tüldən incəsən,Mən sənin növrağın olaydım, ay qız!

Dilin qənd, dodağın məzədir, məzə.Görüm gül camalın gəlməsin gözə.Sən bir yeyilməli balsan – tər-təzə,Mən sənin qaymağın olaydım, ay qız!

Tərlanı olmuşam uca dağların,Rəngi soluxmasın al yanaqların.İnciməsin deyə gül ayaqların –Çəkili başmağın olaydım, ay qız!

Rahim əl çəkərmi öz diləyindən,Ölüb qurtarmadıq yad gileyindən.Sənin asılmağa ağ biləyindənQızılı qolbağın olaydım, ay qız!

Use ← → keys to move, R for a random poem

Random poem

More by this author

Poems by other poets