Aləmdə bu gün əhdi bütün yar ələ girməz
What is a ghazal?
Ghazal: a lyric poem of couplets (beyts) on a single rhyme. The closing couplet is the maqta: there the poet signs with a pen name.
Aləmdə bu gün əhdi bütün yar ələ girməz,Yandırdı tikən bağrımı, gülzar ələ girməz.
Ey xəstə könül, gör nə derəm, məndən eşit pənd,Dildarə həris olma ki, dildar ələ girməz.
Naqis məhək oldu, qamunun qəlbi dəğəldir,Bir sikkə dürüst, aricə dinar ələ girməz.
Timarə könül verməgil, ey sayru, həkim ol,Dərmanını dərd eylə ki, timar ələ girməz.
Ey aşiq, anın zülfünə yapış bu cahanda,Bir ancalıyın dilbəri-əyyar ələ girməz.
Çün qəm yeyirəm qəm degil, ey aşiq, əgər kimQəm yürəgə kar eylədi, qəmxar ələ girməz.
Gəl çöhrəsinin şəminə pərvanə kimi yan,Anın kimi can yandırıcı nar ələ girməz.
Səyyarə kimi seyr edərəm daim anınla,Şol seyr edici kovkəbi-səyyar ələ girməz.
Musa kimi gər aşiq isən, könlünü arıt,Saf olmayacaq ayinə, didar ələ girməz.
Ey axirətin darinə aşiq, bu səradənKeç kim, bu keçər ərsədə şol dar ələ girməz.
Maqta — the closing couplet bearing the poet’s pen name. Əlfazi-Nəsimi bu gün ol möcüzədir kim,Bənzər ana bir lölöi-şəhvar ələ girməz.
Kitabxana.az · https://kitabxana.az/en/works/nasimi-alemde-bu-gun-ehdi-butun-yar-ele-girmez
Use ← → keys to move, R for a random poem
More by this author
Poems by other poets · Love
Şanənin qəsdi nədir çəkməz əlin birçəkdən,Mən kimi aşiq olub zülfə məgər görcəkdən
Bu hal ilə, həbibim, həsrətindən can keçsinmi?Bu hal ilə, həbibim, həsrətindən can keçsinmi?Cigər pürkaləsindən navüki-müjgan keçsinmi?
Candan keçmişux!Dilbəra! Mümkün deyil gülşəndə gül bixar ola,Bülbül aşiqdir, gərək eşq əhlinə azar ola!
TəcnisQəni Mövlam, budur səndən diləkim,Gələ bir gün bu diyarə sevdiyim,