Mənim köməyim ol, mən dara düşsəm,baxma uzaqlardan, gəl dindir məni.Hardasa, nabələd yollara düşsəm,özün qarşıma çıx, sevindir məni.

Bəzən hıçqırığım ucalır göyə,insanam, mənim də ağrım-acım var.Mənim, sən verdiyin bir təsəlliyə,Sən dediyin sözə ehtiyacım var.

Adam var, neyləyim, vicdanı dardı,onun insafına qalsaydı əgər,mənim ürəyimi çoxdan qırardı,adımı hər yerdən çıxartdırardı,istəyinə çatsın təki birtəhər.

Sən eşit bunları, sıxılma fəqət,arabir sevincin qəm qarışığı.Yüz təqib eləsin qoy məni zülmət,sən varsan dünyada,dünya işıqdı.

Use ← → keys to move, R for a random poem

Random poem

More by this author

Poems by other poets