Neyləyim
Ala gözlüm, səndən ayrı gecələrBir il kimi uzun olur, neyləyim?Bağçamızda qızılgüllər hər səhərTezdən açır, vaxtsız solur, neyləyim?
Nərgizlərin gözü yaşla dolanda,Bənövşələr baxıb qəmgin olanda,Qərənfilin gözü yolda qalandaYasəmən saçım yolur, neyləyim?
Əsən rüzgarın da yoxdur vəfası,Düşmüşdür başına özgə sevdası.Lalənin cırılıb qəmdən yaxası,Saçları pərişan olur, neyləyim?
Bəlkə tez gələsən əlac verəsən,Sünbülün saçını yığıb hörəsən,Əlvan çiçəkləri özün dərəsən,Gözləri yollarda qalır, neyləyim?
Çəkir çiçəklərin gözü intizar,Ayrılıqdan betər dünyada nə var,Bu bahar axşamı səni bax, NigarHəzin-həzin yada salır, neyləyim?
Kitabxana.az · https://kitabxana.az/en/works/nigar-refibeyli-neyleyim
Use ← → keys to move, R for a random poem
More by this author
Poems by other poets · Separation
Can verib sevdüm səni, cana ki, yarim bolğasan,Nə bilürdüm kim, bəlayi-ruzigarim bolğasan.
Qəzəl: Atəşin göynər özü sineyi-suzanımçünAtəşin göynər özü sineyi-suzanımçün,Bəhr hər dəmdə açar didəyi-giryanımçün
Tarı bilsin, hicr bizar eyləyib candan məniTarı bilsin, hicr bizar eyləyib candan məni,Ey əcəl, imdad qıl, qurtar bu hicrandan məni.
Tökülmüş hər tərəf zülfi-siyahın mişkbulənmişTökülmüş hər tərəf zülfi-siyahın mişkbulənmiş,Pərişanlıq görüb badi-səbadən tündxulənmiş.