Rentgen əməliyyatı
Milləti rentgen eləyib dövrümüz,İç-çalatı, sən demə bərbad çıxıb.
Üzdə yaşıl-göydü bizim rəngimiz,İçdə bu rənglər çoxuna yad çıxıb.
Rentgenə girdi kişilər birbəbir,Yarı kişi, yarı da arvad çıxıb.
Zatına aşkar qatılıb, zad olub.Ermənidən azəri övlad çıxıb.
Almasa da, boynuna xainliyin,Girdə peçatnan bu da isbat çıxıb.
Pullu adamlar üzə üz çəkdirib,Üstü ipək, astarı asfalt çıxıb.
Başları pambıqla kəsən kəslərin,Şümr, Yəzid tək adı cəllad çıxıb.
Əhli-Əcəm, əhli-Acam oldu gəl,Əhli-qəzet aclığa podryad çıxıb.
«Məhkəməsenzurqazamatkomtrest»,Bax, belə bir adla təzə zad çıxıb.
Məhkəmələr çox adama iş verib,Şükr ola işsizlərə imdad çıxıb.
AzTB-l-dən ucalan şən gülüş,Bəs ATS-də niyə fəryad çıxıb.
Cəhd elədi gizlədə yaltaqlığın,Amma ki, rentgendə bu üçqat çıxıb.
Fitnə-fəsaddan bu cahan çatlayıb,Bax, o da Pünhan kimi infakt çıxıb.
20 aprel 1998. Bakı
Kitabxana.az · https://kitabxana.az/en/works/punhan-rentgen-emeliyyati
Use ← → keys to move, R for a random poem
More by this author
Alçaqlara yüksək dedik, axmaqlığımızdan,Yüksəkləri yıxdıq yerə, qorxaqlığımızdan.
Həqdən qələm verdiŞükürlər olsun Allaha, mənə min bir ələm verdi,Sınağından çıxarıb, sonra da həqdən qələm verdi.
Adəm gedim insan giləKüsmüsən canandan, ey can, dur gedək canan gilə,Bir də heç vaxt olmayaq mehman, şəbi-hicran gilə.
Mail tək ağsaqqal kimi...Dördü qəm çiynimdə, hey ömr eylərəm hambal kimi,Bax, bu hamballıq yazılmış alnıma iqbal kimi.
Poems by other poets
Aləmdə dastan olub səddin, sorağın, Şah dağı!Açılıb nərgiz, bənövşən, əcəbdi çağın, Şah dağı!
TiflisinQazılar, sizdə bilin necədir halı Tiflisin,Əkləşüb Sərdar Orbəl cah-cəlalı Tiflisin,
Düz vay eylərVəfası olmaz maçının,Gərdəndə quyrum saçının.
SərçələrAllahdan qorxub bir insaf edin,Az incidin bizi, sarı sərçələr,