Royal
Üzeyir hacıbəyovun ev-muzeyindəki Royalın önündə düşüncələr
Üşüyür... sahibsiz qalıb bu royal,İnnabı məxmərə bürünüb bərk-bərk.Möhtəşəm sükuta dalıb bu royalŞirmayı dilləri dillənməyəcək...
Dayan! indi-indi xatırlayıram:O zaman on yaşım olmazdı hələ,Keçib bu küçədən mən səhər-axşam,Gedərdim yaxın bir qohumum gilə.
Bakı... Ketsxoveli küçəsi... bu mülk...Bu mülkü sehrli arqan sanardım.Uşaq aləminin marağı böyük,Arqan çalınardı, mən dayanardım.
Bu birmərtəbəli balaca mülkünSanardım səslənir daş-divarı da.
Qapı-pəncərələr çalınır bütün,Gözəgörünməzdir qalanları da.
Evlər cərgəsində sadə bir bina,Bir böyük Üzeyir, bir adi royal.Koroğlu gəlirmiş, demə meydana:Saz, qılınc, kişnərti, od qoparan nal...
Bu evin yanından keçəndə hər günMusiqi tilsimə məni salırdı.Sən demə, içində bu xırda mülkünKoroğlu zalımdan qisas alırdı.
...Bu evin yanından keçəndə səhər,Şirmayi dillərdən nur tökülürdü.Sən demə, döyüşə gedir dəlilər,Uzaq Çənlibeldə dan sökülürdü.
...Bu evin yanından keçəndə gündüz,Royal bəstələrdi cəngi dastanı...Qırata yol verər dərə, təpə, düz,Misri doğrayardı paşanı, xanı.
...Bu evin yanından keçəndə axşam,Royal danışardı saz səsləriylə.Qönçələr açardı sevgi, arzu-kam,Rövşənin, Nigarın nəfəsləriylə.
...Bu evin yanından keçəndə gecə,royal zülmətləri yarar, yarardı.El gücü - sel gücü görünüz necəQanlı buxovları qırar, qırardı.
Bu evin yanından ötdükcə illər,Royal şahinləşər, qartallaşardı.Onun qanadında bu şanlı əsər,Ölkələr, dənizlər, dağlar aşardı.
İnnabı məxmərə bürünüb royal,Qırmızı yapıncı geyib koroğlu.Xalqın taleyinə gülür istiqbal,– Hoydu, dəlilərim! - deyir koroğlu.
Köhnə bir küçədə kiçik bir bina...
Dəyib-toxunulmaz bülbül yuvası.Burda “Koroğlu”nu verdi cahanaBöyük Üzeyirin böyük dühası.
Kitabxana.az · https://kitabxana.az/en/works/qabil-royal
Use ← → keys to move, R for a random poem
More by this author
Huşu başdan edən bir yaraşıqdan,Gözü qamaşdıran çılğın işıqdan,
Həm adi, həm aliTorpağın adi torpaqdırMirvarisi - gövhəri yox
Çalsın Azərbaycan haray zənginiKəsib qabağımı camaat mənim.Vəziyyət necədir? - xəbər alırlar.
TəndirSovet İttifaqı Qəhrəmanı, akademik Ziya Bünyadova ithaf edirəm.*Otuz yeddidən qalıb
Poems by other poets
Mərizi-eşqə əlac eyləməz təbib, ölmə!Bu dərdə carə edər visləti-həbib, ölmə!
خورشید اگر از چشم کسان آب گشایدرخساره گلرنگ تو خوناب گشاید
Gəraylı: Fələk, sənə nə adətdirFələk, sənə nə adətdir,Ayrılmaq yarı yarından,
Gəraylı: Yaxşı olur qövm qardaşYaxşı olur qövm ü qardaşEl başına dönim sənin