Fatmanın oğlu İsmayıl,bu şəhərdə nə işin var?

Yoxsa ağlını, a yazıq,Allah elinden almışdı?Bu şəhərin dərdi azdı,elə bircə sən qalmışdın, -Fatmanın oğlu İsmayıl,bu şəhərdə nə işin var?

Bir qız gəzər kənd içində,Hər gün qapıdan keçəndəFatma xalaya baş çəkər.Samavarına od salar,yorğanına qumaş çəkər, -Fatmanın oğlu İsmayıl,bu şəhərdə nə işin var?

Zalım oğlu, darıxmadın?Qalstuk taxdın - taxmadın,Bir qız da sənə baxmadı, -Fatmanın oğlu İsmayıl,bu şəhərdə nə işin var?

Sevdin, sevdin bu şəhərinsolğun üzlü qızlarını,xəstəhal ulduzlarını.Yenə əridə bilmədinürəyinin buzlarını, -Fatmanın oğlu İsmayıl,bu şəhərdə nə işin var?

Kənddən bir adam görəndəyekə-yekə danışmağın,hey basıb-bağlamağın var.Yorğan-döşəyə girəndəgecələr ağlamağın var, -Fatmanın oğlu İsmayıl,bu şəhərdə nə işin var?!.

Use ← → keys to move, R for a random poem

Random poem

More by this author

Poems by other poets