Qardaş məzarı
Qardaşım Rəsula
Bahar hədiyyəmiz — xonça, səməni,Qardaş, ziyarətə gəlmişdik səni.Səni bu dünyaya gətirən anan,Böyüdüb sonradan itirən ananYandırdı qəbrinin üstündə ağ şam,Bayram axşamıydı bu gözəl axşam.Ağlayan ağladı, boşaldı ürəkÇiçəklər üstünə səpildi çiçək.Hərə öz evinə tələsdi yenə,Qalmadı bir nəfər qohum, əqrəba.Qəbirlər pərişan göründü mənə,Şamlar bir-bir söndü göz qırpa-qırpa.Uzandı kölgəsi yaşıl şamların,Gün batdı üfüqdə izi qalmadı.Qəbirlər üstündə yanan şamlarınÖmrü bir saatdan uzun olmadı.Bir təntənə vardı bu yerdə bayaq,Bu qəmli yollardan kəsildi ayaq.Çapdı altındakı atı qaranlıq,Çökdü qəbristana qatı qaranlıq.Ey torpaq altında yatan əzizlər,Əcəl şərbətini dadan əzizlər.Sağlar hörmətini bildirib sizə,Özünü bu gündə bura yetirdi,Sizin bu əbədi mənzilinizə,Bir neçə saatlıq bahar gətirdi.Ağladım, qalmadı gözlərimdə yaş,De, bunu duydunmu mənzilində sən!Yanından getmədim bu gecə, qardaş,Danışdım, sübhədək başdaşınla mən.
Kitabxana.az · https://kitabxana.az/en/works/suleyman-rustem-qardas-mezari
Use ← → keys to move, R for a random poem
More by this author
Poems by other poets · Nature and spring
Qalmışam pərvanə tək,Odlanə-odlanə mən.
AğlayıbBir cavan ölübdü qürbət diyarda,Vətənin torpağı, daşı ağlayıb.
سر و بالایی که دارد بر سر گل مشک نابآفت دلهاست و اندر دیدهام چون آفتاب
Tarı bilsin, hicr bizar eyləyib candan məniTarı bilsin, hicr bizar eyləyib candan məni,Ey əcəl, imdad qıl, qurtar bu hicrandan məni.