Ürəyim parçalanır
Məncə, hər doğru məhəbbətdə siyasət olmaz,Olsa bir azca siyasət, o, məhəbbət olmaz.
Ürəyim gizlədə bilməz ki, sevir qardaşını,Tökür hicrində açıqdan-açığa göz yaşını.
Ona baxdıqca uzaqdan ürəyim parçalanır,Dərdli bir nəğmə deyirkən dilim ağzımda yanır.
Çağırır, gəl! – deyə hər an məni ordan haraya,Ürəyim quştək uçur dərdli Arazdan o taya.
Deyirəm: qəm yemə, dostum, hələ mən ölməmişəm,Sənsiz ömrümdə, bilirsən ki, deyib gülməmişəm.
Ta əzəldən yoğurub qanla bu qardaşlığı biz,Demişik, qəbrədək ayrılmayacaqdır əlimiz!
Heç yaraşmaz sənə artıq o pərişan görkəm,Sadiqəm andıma, qardaş, tut əlimdən möhkəm.
Nərə çək, söylə o qəlbindəki hər istəyini,Çevirib bayrağa qandan qızaran köynəyini!
Şüvəlan, avqust 1945
Kitabxana.az · https://kitabxana.az/en/works/suleyman-rustem-ureyim-parcalanir
Use ← → keys to move, R for a random poem
More by this author
Həsrətimin yaşı çoxdur yaşımdan,Hicran dərdli bir insanam, a dostlar!
AzadımOğlumun ad gününə*Sən mənim göz bəbəyimsən, öz adımsan, Azadım,
OğulBu sözüm əfsanə yox, yalnız həqiqətdir, oğul,Millətə namusla xidmət, bir səadətdir, oğul...
Qızım ƏzizəyəEvimizə gələndə məhəbbət gətir, qızım...Öz hüsnünə bənzəyən təravət gətir, qızım!