Bilsən sənə, ey gül, nə qədər hörmətimiz var
Bilsən sənə, ey gül, nə qədər hörmətimiz var,Bir gün yetərik vəslə, əgər qismətimiz var.
Heç kimsə bu naz ilə səni bəsləyə bilməz,Xoşdur, sənə qarşı nə qədər zəhmətimiz var.
Biz neyləyirik cənnəti, ya baği-behişti?Öz bağımız, öz solmayacaq cənnətimiz var.
Bülbül də bizim, gül də bizim, el də bizimdir,Kimdən, gözəlim, indi bizim minnətimiz var?
Qorxma, bizi bir qüvvə pərişan edə bilməz,Zülfün sayı, bil, eşqdə cəmiyyətimiz var.
Dağlar hərəkət etsə də, hətta bizə qarşı,Dəf etməyə aciz deyilik, hümmətimiz var.
Qüvvətli təbiət də bizə baş əyir indi,Eşq əhliyik, hər yerdə bizim qüdrətimiz var.
Qüdrətli zəfər bayrağı parlar əlimizdə,Azadəliyə, sülhə böyük rəğbətimiz var.
Biz fəxr eləsək, haqlıyıq insanlığa, Vahid!Xalqa, vətənə bir bu qədər xidmətimiz var.
Kitabxana.az · https://kitabxana.az/en/works/vahid-bilsen-sene-ey-gul-ne-qeder-hormetimiz-var
Use ← → keys to move, R for a random poem
More by this author
Oğlum, atanın çıxma sözündən, kor olarsan,Alverdən uzaqlaşma, inan, dilxor olarsan;
Oğulun cavabıMəni təhrik eləmə alverə, vicdansız ata!Qəlbsiz, duyğusuz, anlaqsız ata, şansız ata!
Sənə nə?!– Gecə-gündüz içirəm əhli-mazağam, sənə nə?Mərifətdən, mədəniyyətdən uzağam, sənə nə!
Dədə, vay!Dədə, vay, hey yatıram, bir yuxudan doyammıram,Bu ağır yatmağımın sirri nədir, duyammıram?