Moskva
Sən ey xəyalilə deyib güldüyüm,Qədrini canımdan əziz bildiyim.Tarixlər şahidi qocaman şəhər!Nədir qəlbindəki o döyüntülər?Başından əssə də min acı külək,Dayanmaz sinəndə çırpınan ürək.Dayanmaz yayından atılan oxlar…Tarixin ağ saçlı bir qanunu var:Zülmət oynasa da bir an göylərdə,Tutulmaz günəşin üzünə pərdə.Kəmənd də atılmaz axar sulara,Həqiqət çəkilməz boğazdan dara.İnsanlıq eşqilə düşünən bir başYaranmış yerlərə, göylərə sirdaş…Sən, qızıl Moskva! Sən, gözəl şəhər!Sənin şöhrətinlə ucalır bəşərBir ana qoynudur isti qucağın,Qəlbə mehribandır odun, ocağın.Səninlə duz-çörək kəsdiyim gündənSən mənim anamsan, öz balanam mən.Moskva! — Nə qədər doğmadır bu səs,Doğmalar dar gündə yad ola bilməz!..
Moskva basılmaz sənin qüdrətin.Canlı heykəlisən əbədiyyətin!Mənim rus qardaşım, səndəki vüqarNəsildən-nəsilə qalmış yadigar.Leninin yurdudur sevdiyin vətən,Puşkinin şerilə ucalmısan sən.Ürəyin genişdir, kamalın dərin,Bilirsən dilini çətinliklərin.Azadlıq çırağı əlində yanır.Hünərin qəlbində, dilində yanır.Onu tufanlar da söndürə bilməz,Moskva! — Nə qədər böyükdür bu səs…Son qızıl Moskva! Sən, gözəl şəhər!Sənin şöhrətinlə ucalır bəşər.Sənsən ölkəmizin fikri, diləyi,Ayırmaq olarmı candan ürəyi?!Qoy daşın, torpağın qalxsın ayağa!Hər insan ürəyi dönsün bir dağa!Hər oğlun, hər qızın bir əsgər olsun.Hər igid sinəsi bir səngər olsun!Sənin dövlətinə göz dikən alçaqYalnız öz ömrünə qəbir qazacaq!..
Kitabxana.az · https://kitabxana.az/en/works/vurgun-moskva
Use ← → keys to move, R for a random poem
More by this author
Yenə fikrim seyrə çıxdı yer üzünü başdan-başa,Dünya böyük bir tamaşa...
Ayın əfsanəsi (Aybəniz)Ay gözəllik çadırını açıb, buludlarda,Yenə bizim ay başına dolaharkən buludlar da
Hürmüz və ƏhrimənAzərbaycan, gözəl bir yaz… Həyat bolluq, işıq çoxdur,Qaranlıqdan, əsarətdən, xəyanətdən nişan yoxdur.
Bakının dastanıNeçə ildir könül deyir söylə, şair,Şeir, sənət gülzarında Bakı hanı?
Poems by other poets
Bu nə dərddi, nə bəladı,Imdada çat, qadir Allah!
BaramaUstalar, qulaq verin, tərif edim baramanı,İbtida sərtu çıxmırhi dökürəm baramanı,
Gəl, ey Misri-dilim dilbərGəl, ey Misri-dilim dilbər,Əzizi canımın, cananı dilbər.
Khosrow and Shirin, chapter 7چو سلطان جوان، شاه جوانبختکه برخوردار باد از تاج و از تخت