Novcavan ol pir ikən, dövran ki, canan dövridir,Şad ol ey xəstə könül, kim, dərdə dərman dövridir.

Zülməti-hicranə söylən hökmini tərk eyləsin,Bir günəş doğdu arayə, mahi-taban dövridir.

Lal oturma, söylə, öy can mürği, gəldi növbahar,Getdi qış vəqti aradan, uş, gülüstan dövridir.

Aşiqə mehr etdi dilbər, qalmadı cövri-rəqib,Küfr aralıqdan arındı şimdi iman dövridir.

Ömr üçün ğəm çəkmə, ey dil, nuş qıl abi-həyat,Dilbərin şirin ləbindən, abi-heyvan dövridir.

Naümid olma cahanda, ey gədayi-binəva,Dərgəhi-sultanə gəl, kim, lütfü ehsan dövridir.

Möhnəti-dünyadən ey dil, fariğ ol, sürgil mürad,Xürrəm ol, ğəm çəkməgil, kim, zilli-sübhan dövridir.

Gəzməgil aləmdə sərgərdan, könül, pərvanətək,Xoş münəvvərdir cahan, şəmi-şəbistan dövridir.

Maqta — the closing couplet bearing the poet’s pen name. Dudi-ahindir, Xətai, göydə buludlər sənin,Durmayıb tök göz yaşın kim, abü baran dövridir.

Use ← → keys to move, R for a random poem

Random poem

More by this author

Poems by other poets · Love