Araz kənarında
Hər yerdə dağları yaşıl görmüşəm,Araz kənarında sarıdı dağlar.Burda ürəyimin dağı, düyünü,Burda saçlarımın qarıdı dağlar.
Can atdım qoynuna, uça bilmədim,Heç nəyi görüşdən uca bilmədim.Açdım qollarımı, quca bilmədim,Yetim uşaq kimi zarıdı dağlar.
Göynədi səsimdən hər daş, hər qaya,“Araz, Araz” deyib yalvardım çaya.Dedim yaylığımı apar o taya,Bəlkə, yarasını sarıdı dağlar.
Könül nəğməsini endirməz pəsə,Verərəm canımı can deyən kəsə.Dilindən öpərəm, hər kim söyləsə,“Daha taleyindən yarıdı dağlar!”
Kitabxana.az · https://kitabxana.az/en/works/zelimxan-yaqub-araz-kenarinda
Use ← → keys to move, R for a random poem
More by this author
Poems by other poets
Ey dil, vəfası yoxdu dilara gözəllərin,Cövrü cəfası çoxdu bu rəna gözəllərin.
از ناله نی هر کس هشیار نمی گردداز صور قیامت هم بیدارنمی گردد
Naz et, dedim gözələ, işvələr azdırNaz et, dedim gözələ, işvələr azdır,Baş açmadım oynundan onun, bu nə nazdır?
SəninNazlım, hüsnün gülşənindəAçılmış güllərin sənin,