Kitab çəmənindən gül dərə-dərə,Kitablara döndü alnımın təri.Bu gün də qaldırır məni göylərə,Müəllim atamın öyrətdikləri.

Gəzdi saçlarımda qayğıkeş bir əl,Ömrün ləzzətini o tamdan aldım.Əsl qiymətimi məktəbdən əvvəl,Doğma evimizdə atamdan aldım.

Uymadım ötəri görkəmə, dəbə,Elmə əsl sərvət, əsl zər dedim.Mən elə ilk gündən məktəbə Kəbə,Müəllim olana peyğəmbər dedim.

2010, 14 mart

Use ← → keys to move, R for a random poem

Random poem

More by this author

Poems by other poets · Nature and spring