Bu torpaqda izim qala,Naxış olam kaş daşına.Oğul kimi arxalanam,Dönəm xalqın yaşdaşına.

Bir hay verəm harayına,Bu tayından o tayına.Yola dönəm – sarayınaSinəm üstdən daş daşına.

Mən bələdəm dağ-dağ ona,Dözəmmərəm dağ dağına.Bir arxadı dağ, dağına,Yaraşıqlı daş, daşına.

Yaşar könlüm min həvəsdə,Sarsılmaram son nəfəsdə.Qara daşı qəbrim üstdəQoy çevrilsin başdaşına!

Use ← → keys to move, R for a random poem

Random poem

More by this author

Poems by other poets · Homeland