Məndən salam olsun
Məni yer üzündən ayırma, Tanrım,Yerdə sirdaş elə çiçəklərinə.Məni göy üzündən ayırma, Tanrım,Dərdimi söyləyim fələklərinə.
Öpüm sıldırımı, qayadan keçim,Çəkim sığalımı, səhradan keçim.Dalğayla danışım, dəryadan keçim,Qoş məni çöllərin küləklərinə.
Harda cıdır varsa yarışım olsun,Harda savaş varsa barışım olsun.Sağlam toxum olsun, qara şum olsun,Qanad tax qəlbimin diləklərinə.
Əzəldən dostuyam ağrının, ahın,Bir sadiq quluyam eşq adlı şahın.Məndən salam olsun qadir Allahın,Mənə salam verən mələklərinə.
Bişkək, 2009, iyul
Kitabxana.az · https://kitabxana.az/en/works/zelimxan-yaqub-menden-salam-olsun
Use ← → keys to move, R for a random poem
More by this author
Poems by other poets · Divine love
Ey qazilər, gəldi qəzadan bəla,Bir olmaz müsibət dövran eylədi,
Bayrağım enərkənSən, Bayrağım! Yüksək şanlarınla enərkənMavi göyə bir duman gəldiyini gördüm bən.
Qəzəl: Kuhi-Tur olsa səlabətdə dili-aşiqi-zarKuhi-Tur olsa səlabətdə dili-aşiqi-zar,Duymaya tabi-təcəlliyə yenə Musa var
Qadan alım, stansiya rəisiQadan alım, stansiya rəisi,doğrudanmı