Məni sevə-sevə öldür, ilahi!
Sevgidən doğuldum, sevdim, sevildim,Məni sevə-sevə öldür, İlahi!Allahın gücünü sevəndə bildim,Məni sevə-sevə öldür, İlahi!
Sellərə çevrilim, kükrəyim, axım,Buluda çevrilim, gurlayım, çaxım.Ətəkdən boylanım, zirvədən baxım,Məni sevə-sevə öldür, İlahi!
Şirindir sevilən hər gün, hər saat,Dünya gözəlitək, gəl, mənə naz sat.Kül olmaq ölümdü, köz olmaq həyat,Məni sevə-sevə öldür, İlahi!
Çəmənin üstündən əsən meh eylə,Çiçəyin gözündən öpən şeh eylə.İstər nökər eylə, istər şah eylə,Məni sevə-sevə öldür, İlahi!
Qara saçlarıma sevgi dən olsun,Mən bir sünbül olum, sevgi dən olsun.Elə ölümüm də sevgidən olsun,Məni sevə-sevə öldür, İlahi!
Həvəsim önündə əsrlər azdı,Eşqimin yanında sular dayazdı,Məni sevə-sevə yaşatmaq azdı,Məni sevə-sevə öldür, İlahi!2000, 10 noyabr
Kitabxana.az · https://kitabxana.az/en/works/zelimxan-yaqub-meni-seve-seve-oldur-ilahi
Use ← → keys to move, R for a random poem
More by this author
Poems by other poets · Love
Gətməsə Batmanqılıc tranə, nəzm etməz qəbul,Cəlb edək ol zatı iovriyyəlle, Allah eşqina.
Gəraylı: Aşiqlik peşəsin qıldımAşiqlik peşəsin qıldım,Namusdan, ardan ayrıldım,
Bir kəs ki, qəm düçarı ola, ağlar, ağlamazBir kəs ki, qəm düçarı ola, ağlar, ağlamaz?Ənduhu qüssə yarı ola, ağlar, ağlamaz?
Dönən deyiləmİxtiyar səndir, vəfalı dilbər,Mən sənin könlünə dəyən deyiləm,