Mən deyirəm zülmkardan azad olsun vətənimPozulmasın xəzan vurmuş bağlar kimi gülşənimAna topraq qonçalansın gül çiçəklər sevinsinSolğun üzlər yaşlı gözlər pak ürəklər sevinsin

Mən deyirəm ölkəmizdə yansın elmin çırağıHəmişəlik söndürülsün cəhalətin ocağıHər tərəfdə mədəniyyət sarayları tikilsinXiyavanlar genişlənsin tıramvalar çəkilsin

Mən deyirəm əsarətdən xilas olsun elimizBundan artıq zalimlərə bağlanmasın belimizİstemara qarşı dursun rəncbərlər ordusuƏkinçilər zəhmətkeşlər kargərlər ordusu

Mən deyirəm diktatorluq əbədilik çürüsünAzadlığın gözəl nuru hər tərəfi bürüsünHürriyyətin kəlməsiylə şöhrət tapsın adımızBiz ölsək də səadətlə yaşasın evladımız

Mən deyirəm yurdumuza kəc baxanlar yox olsunBöhtan deyib adımıza şər yaxanlar yox olsunXalqımızın igidliyi düşsün dildən dillərəƏməlləri yadigar tək qalsın eldən ellərə

Mən deyirəm Azərbaycan qəhrəmanlar yurdudurŞücaətli BAĞIRXANlar SƏTTARXANlar yurdudurBöyük QACAR şahlarını yola salmış bu diyarOnun hər bir qarışında əcdadımın haqqı var

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar